Андраде мен Акавов әлем чемпионы титулы үшін айқас алдында салмақ өлшеді

АСТАНА. ҚазАқпарат - Америкалық боксшы Деметриус Андраде (26-0, 16 КО) мен ресейлік Артур Акавов (19-2, 8 КО) жекпе-жек алдында міндетті салмақ өлшеу рәсіміне қатысты, деп хабарлайды Sports.kz.

Екі боксшы да орта салмақ дәрежесінде белгіленген лимиттен (160 фунт) асқан жоқ: Андраде 159,8 фунтты, Акавов - 160 фунты көрсетті.

Андраде - Акавов жекпе-жегі 19 қаңтар таңертең Нью-Йорктегі Madison Square Garden аренасында өтеді.

Еске салайық, Деметриус Андраде WBO тұжырымы бойынша орта салмақтағы әлем чемпионы. Ол өз титулын қорғайтын болады

Осы дивизионда қазақстандық боксшы Геннадий Головкин (38-1-1, 34 КО) өнер көрсетеді. Ол былтыр WBO-дан басқа барлық белбеулерді иемденген болатын.