+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Ана мен бала өлімі: Сапарбаев Үкімет үйінде селекторлық кеңес өткізді

2019 жылғы 5 қараша 02:05
Бөлісіңіз:
Ана мен бала өлімі: Сапарбаев Үкімет үйінде селекторлық кеңес өткізді

НҰР-СҰЛТАН. ҚазАқпарат - ҚР Премьер-Министрінің орынбасары Бердібек Сапарбаев Үкімет үйінде ана мен бала өлімін азайту мәселелеріне арналған селекторлық кеңес өткізді. Бұл туралы ҚазАқпарат primeminister.kz сайтына сілтеме жасап.

Ұқсас жаңалықтар
Әрбір 11-секундта әлемде ана мен бала өлімі тіркеледі

Денсаулық сақтау вице-министрі Камалжан Надыров ағымдағы жағдай мен қабылданып жатқан шаралар туралы баяндады.

Оның мәліметтеріне сәйкес, соңғы үш жылдағы динамиканы талдау елімізде ана өлімін төмендету үрдісінің жоқтығын көрсетеді. Көрсеткіштердің өсуі Алматы, Қарағанды және Шығыс Қазақстан облыстарында байқалады.

Сонымен қатар, соңғы үш жыл ішінде нәрестелер өлімі 4% артқаны белгіленген. Өңірлер тұрғысынан динамиканың аса өсуі Атырау, Маңғыстау және Ақтөбе облыстарында байқалады.

Жүкті әйелдер мен балаларға медициналық көмектің сапасын арттыру мақсатында ана мен бала өлімін азайту бойынша жоспарлар жүзеге асырылуда. Олардың негізгі бағыттары — кадрлармен қамтамасыз ету, материалдық-техникалық жарақтандыру, медициналық көмекті стандарттау, цифрландыру және халықпен ақпараттық жұмыс жүргізу.

«Алайда, мониторинг аталған шараларды өңірлердің жеткіліксіз орындағанын көрсетеді. Мәселен, Алматы облысында мәлімделген 34 анестезиолог-реаниматолог дәрігердің тек 10 маманы, Қарағанды облысында 29 маманнан тек біреуі, Ақмола облысында 30 маманның тек төртеуі, Маңғыстау облысында 15 маманның тек біреуі тартылған. Түркістан мен Шығыс Қазақстан облыстарында қажеттілік болғанның өзінде неонатолог дәрігерлер тартылмаған, ал Қостанай облысында 9-дан 2-уі ғана», — деді К. Надыров.

Оның айтуынша, бірқатар өңірде балалар ұйымдарын медициналық жабдықтармен қамтамасыз етудің төмен деңгейі байқалады. Атап айтқанда, олар — Қызылорда, Жамбыл, Батыс Қазақстан облыстары және Алматы қаласы.

Сонымен қатар, кеңесте тегін медициналық көмектің кепілдендірілген көлемі аясында медициналық мекемелердің дәрі-дәрмектер бойынша қарызын өтеу мәселелері талқыланды.

«СК-Фармация» ЖШС басқарма төрағасының міндетін атқарушы Берік Шәріптің айтуынша, еліміздің медициналық мекемелерінің Бірыңғай дистрибьютор алдындағы жалпы қарызы 19,5 млрд теңгені құрады, оның 17 млрд теңгесі — биылғы келісімшарт бойынша.

Сондай-ақ, Атырау, Қостанай, Алматы, Қарағанды, Түркістан облыстары, Нұр-Сұлтан, Алматы және Шымкент қалалары әкімдерінің орынбасарлары видеоконференция арқылы кеңеске қатысты.

Баяндамаларды тыңдағаннан кейін Бердібек Сапарбаев бірқатар нақты тапсырмалар берді.

Вице-премьер медициналық қызметтер саласындағы азаматтардың шағымдарына уақытылы жауап берудің, білікті кадрларды даярлау және медицина қызметкерлерінің біліктіліктерін үздіксіз арттырудың, материалдық-техникалық жарақтандырудың, жүкті әйелдердің тізілімін жүргізудің, ана мен бала өлімін азайтудың маңыздылығын атап өтті.

«Біздің міндетіміз – азаматтарды қажетті дәрі-дәрмектермен уақытылы қамтамасыз ету. Ешқандай ақталу, сылтаулар болмауы керек! Денсаулық сақтау министрлігі әкімдіктермен бірге осы жылдың 1 желтоқсанына дейін жинақталған қарыздарды өтеп, тиісті кестені жасауы тиіс. «СК-Фармация» келесі жылы дәрі-дәрмектердің үздіксіз жеткізілуін қамтамасыз етуі қажет. Өткен жылдардағы барлық жіберілген қателіктер 2020 жылы қайталанбауы керек. Осы мәселені пысықтап, түбегейлі тоқтатыңыздар!», — деп түйіндеді Б. Сапарбаев.

Айта кету керек, Мемлекет басшысы Қасым-Жомарт Тоқаев елорданы одан әрі дамыту жөніндегі кеңесте медициналық мекемелерді дәрі-дәрмектермен қамтамасыз ету мәселесін шешуді тапсырған болатын.

Біздің каналымызға жазылыңыз:

Басты сөздер: ҚР Үкіметі, Медицина,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT