+7 (701) 759 90 19 Лента
USD 385.16 EUR 425.95
RUB 6.01 CNY 54.51
Jańalyqtar

Әміржан Қосанов халықты сайлауға белсенді қатысуға шақырды

2019 жылғы 6 мамыр 13:45
Бөлісіңіз:
Әміржан Қосанов халықты сайлауға белсенді қатысуға шақырды

НҰР-СҰЛТАН. ҚазАқпарат - Президенттікке кандидат Әміржан Қосанов халықты сайлауға белсенді қатысуға шақырды, деп хабарлайды ҚазАқпарат тілшісі.

«Қазақстан үлкен саяси науқанның алдында тұр. Халықтың өкілі қатысты десеңіздер, осы сайлауда өз үлесін алсын десеңіздер, сайлауға келіңіздер де, өзіңіз қалаған кандидатқа дауыс беріңіздер. Отырып қалмаңыздар! Сайлау учаскесіне барып, жаныңызбен де, жүрегіңізбен де Қазақстанның болашағы үшін таңдау жасаңыздар!» деді Ә.Қосанов Орталық сайлау комиссиясында өткен баспасөз мәслихатында.

Айта кетейік, бүгін ҚР Орталық сайлау комиссиясы «Ұлт тағдыры» бірлескен ұлттық-патриоттық қозғалысының мүшесі, журналист Әміржан Қосановтың кандидаттық куәлігін тапсырды.

«Оразаның алғашқы күні сайлау комиссиясының бізге куәлік бергенін жақсы ырымға балап отырмын. 7-ші нөмір екен. Мен куәлікті жетінші болып алып отырмын. Оны да жақсылыққа балап отырмын. Жасыратыны жоқ, мені ұсыну және қол жинау кезінде біраз күмән болды. Осы Қосанов сайлауға тіркеле ме, тіркелмей ме, әртүрлі араңдатулар болды. Қасақана жасалған бір ақпараттық шабуылдар болды. Осы күнге дейін мен және менің әріптестерім тіркеу болмайтын шығар деп ойлады. Бірақ бүгінгі күн Президент Қасым-Жомарт Тоқаевтың «әділ сайлау өткізуге кепілдік беремін» деген сөзінің бір нышаны деп білемін, солай қабылдаймын», - деп атап көрсетті Ә.Қосанов.

Біздің каналымызға жазылыңыз:

Бөлісіңіз:

Автор:

Арман Асқаров

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Ербол Жанат
Ербол Жанат
954-059

MURAǴAT