Әмір Байғазиннің фильмі «Мәскеу премьерасының» басты екі жүлдесін жеңіп алды
2019 жылғы 4 қараша 08:17

Әмір Байғазиннің фильмі «Мәскеу премьерасының» басты екі жүлдесін жеңіп алды

НҰР-СҰЛТАН. ҚазАқпарат – Ресей астанасында «Мәскеу премьерасы» халықаралық кинофестивалінің жеңімпаздарын марапаттау салтанаты болды, деп хабарлайды «ҚазАқпарат» ХАА Қазақстанның Ресейдегі Елшілігіне сілтеме жасап.

Әмір Байғазиннің «Река» фильмі байқаудың Гран-приін жеңіп алды.

«Мәскеу премьерасы» фестивалі 29 қазаннан 3 қарашаға дейін «Горизонт» кинотеатрында болды. Оған Қазақстан, Армения, Қырғызстан, Молдова, Украина, Грузия, Латвия, Эстония, Ресей елдерінің киноматографтары қатысты.

Фестиваль аясында толық метражды және қысқа метражды фильмдердің байқауы болды әрі «Халықтар достығы» циклінде бұрынғы үздік фильмдер, бірлесе шығарылған кинолар көрсетілді.

Фестивальда негізгі қазылар алқасынан бөлек, Ресей киноклубтарының қазылар алқасы да картиналарға бағасын беріп отырды. Бұған дейін 75-ші Венеция кинофестивалінде «Көкжиектер» бағдарламасының «Алтын арыстан» жүлдесін жеңіп алған «Река» фильмін олар да үздік деп таныды.

Қазақстан атынан Сергей Дворцевойдың «Айка» және Әділхан Ержановтың «Риэлтор» фильмдері байқаудан тыс көрсетілім аясында көрермендерге ұсынылды.

Қысқа метражды фильмдер байқауына жас режиссерлар Елдар Шибановтың «Зоопарк» және Шұғыла Сержанның «Самал» фильмдері қатысты.

Серіктестер жаңалықтары

Jańalyqtar

Үрдіс

MURAǴAT