Американдық тұрғын әлемдегі өзімен аттас адамдармен барлығымен кездесу мақсатын алға қойды

АСТАНА. ҚазАқпарат - Нью-Йорк қаласының Сет Коэн (Seth Cohen) есімді тұрғыны есімі мен тегі өзімен аттас адамдардың барлығымен кезесу мақсатын алдына қойды.

Оның "The Seth Cohen Project" атты акциясы қараша айының басында басталды, деп хабарлайды TJ. Сеттің айтуынша, ол бұл жобаға «үлкен шытырман оқиға» туралы арманы жігерлендірген.

Екі айдың ішінде жобаның авторы басқа он Сет Коэндармен жүздесіп, әрбір кездесуі жөнінде Tumblr-дағы өз парақшасында баяндаған.

Оның жаңа таныстарының арасында, мәселен, шаршы алаңда Халк Хоганмен кездескен бұрынғы кәсіби рестлер бар, ол қазіргі кезде салық жөніндегі қорғаушы болып жұмыс істеуде.