«Аманат» кәсіподақтар достастығынан кандидат талаптарға сай - ҚР ОСК

АСТАНА. ҚазАқпарат – Орталық сайлау комиссиясы «Аманат» Қазақстан кәсіподақтар достастығы» республикалық бірлестігі ұсынғанын Мейрам Қажыкеннің президенттікке кандидатурасын талаптарға сай деп шешті. Бұл туралы ҚР ОСК төрағасы Нұрлан Әбдіров комиссияның отырысында мәлім етті, деп хабарлайды ҚазАқпарат тілшісі.

Әуелі ОСК мүшесі Шахат Өтемісов аталған кадидаттың лингвистика комиссиясының 2022 жылғы 8 қазандағы шешімі бойынша, мемлекеттік тілді еркін меңгергені анықталғанын атап өтті.

«ҚР Президенттігіне кандидат Мейрам Зекешұлы Қажыкеннің ҚР Конституциясында және Қазақстан Республикасындағы Сайлау туралы ҚР Конституциялық Заңында оған қойылатын талаптарға сәйкестігін анықтау туралы хаттамаға қол қойылды. Осылайша Орталық сайлау комиссиясы республика президенттігіне кандидат Мейрам Зекшұлы Қажыкеннің Конституцияда және Қазақстан Республикасындағы Сайлау туралы ҚР Конституциялық Заңында оған қойылатын талаптарға сәйкес екендігін анықтады», - деді ОСК төрағасы Н.Әбдіров.

Бұған дейін ОСК халық коалициясы ұсынған Қасым-Жомарт Тоқаевтың ҚР президенттігіне кандидатурасын барлық талаптарға сай деп шешкен болатын.