USD 434.84 EUR 498.2
RUB 5.72 CNY 68.47
Jańalyqtar

Алжирдағы перзентханадан өрт шығып, 8 сәби көз жұмды

2019 жылғы 25 қыркүйек 19:21
Бөлісіңіз:
Алжирдағы перзентханадан өрт шығып, 8 сәби көз жұмды

НҰР-СҰЛТАН. ҚазАқпарат – Алжирде сәрсенбі күні аурухананың жаңа туған сәбилерге арналған палатасы өртке оранып, 8 сәби көз жұмды, деп хабарлайды ҚазА қпарат CNN-ға сілтеме жасап.

Ennahar жеке телевизия арнасының мәліметінше, өрт шығыстағы Эль-Уэд (El-Oued) провинциясының Al-Um Bashir bin Nasser Hospital ауруханасынан шыққан. Сәбилердің мәйіті түгелдей өртеніп кетті. Бұл оларды тануда қиындық тудырып отыр.

Халықты қорғау мәселесі жөніндегі директораттың мәліметінше, жаңа туған сәбилер күйік шалып, түтінге уланғаннан көз жұмған.

11 сәби, 37 әйел мен 28 қызметкер құтқарылды. Өрт жергілікті уақыт бойынша 3:52-де шыққан. Оқиға орнына ондаған өрт сөндіруші келді.

Алжирдің денсаулық сақтау министрі өрттің себептерін шұғыл түрде тергеуді талап етіп отыр. Алдын ала мәліметтерге сәйкес, өртке электр сымдарының қысқа тұйықталуы себеп болған.

Көз жұмған балалардың отбасылары аурухана ғимаратының алдына жиналып, оқиғаны тергеуді талап етуде.

Біздің каналымызға жазылыңыз:

Бөлісіңіз:

Автор:

Біржанқызы Сабина

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT