Қолданушы баптаулары
Қолданушы баптаулары
+7 (701) 759 90 19 Лента
USD 371.56 EUR 422.43
RUB 5.56 CNY 53.51
Jańalyqtar

«Алтын тобылғы» республикалық әдеби байқауының жеңімпаздары анықталды

2018 жылғы 5 желтоқсан 16:58 170
Бөлісіңіз:
«Алтын тобылғы» республикалық әдеби байқауының жеңімпаздары анықталды

АСТАНА. ҚазАқпарат - Елордадағы Назарбаев орталығында «Алтын тобылғы» республикалық әдеби байқауы қорытындыланды, деп хабарлайды ҚазАқпарат тілшісі.

Ұқсас жаңалықтар
Ақтөбеде Әбіш Кекілбаев атындағы мектептің ашылуына жазушының жұбайы мен баласы қатысты Нұрсұлтан Назарбаев әдебиет және өнер саласындағы мемлекеттік сыйлықтарды тапсырды

Байқауға түрлі жанрда қалам тербеп жүрген 18-35 жас аралығындағы қаламгерлер қатысты.

ҚР Тұңғыш Президенті - Елбасының Қоры жас әдебиетшілердің еңбегіне осымен төртінші рет қолдау көрсетіп отыр. Жылдан жылға байқауға деген қызығушылық артып келеді.

Биылғы бәйгеге елдің түкпір-түкпірінен 108 шығарма келіп түскен. Жеңімпаздар  «Жылдың үздік прозасы», «Жылдың үздік поэзиясы», «Жылдың балаларға арналған үздік шығармасы», «Жылдың үздік драматургиясы» дәстүрлі аталымдар бойынша белгіленді. Әр номинация бойынша сыйақы қоры 1 миллион теңгені құрайды.

«Алтын тобылғы» республикалық әдеби байқауының жеңімпаздары анықталды 

Сонымен қатар байқау Астананың мерейтойына арналған «Астананың 20 жылдығы» тақырыбына арналған үздік әдеби туынды» арнайы аталыммен толықты. Оның жүлде қоры 1,5 миллион теңге. 

«Бүгін үздік шығармалардың авторлары кім екені жарияланады. Бұл байқауға қатысқан барлық ақын-жазушыларға алғыс білдіреміз. Сол себепті үздіктерді таңдау өте қиын болды. Жыл сайын «Алтын тобылғы» байқауы бізге қазақстандық жаңа ақындар мен жазушыларды танытып келеді. Бұл өз кезегінде жастар мен қоғам арасында қазіргі заманғы әдебиетті оқуға ынталандыруға, жаңа буын авторларының жарқын өкілдерін анықтауға ықпал етеді. Біз басты құндылық деп осыны  санаймыз. Байқау аталымдары белгілі бір дәрежеде Елбасының «Ұлы даланың жеті қыры» мақаласында айтылған халқымыздың рухани құндылықтарын айшықтайды. Сол себепті ұлтық мәдениетті, тарихты және ел жетістіктеріне арналған шығармашылық жұмыстарды біріктіріп, жаңа аталымды қосу мүмкіндігі қарастырылуда», - деді байқаудың маңыздылығы мен қазақ әдебиетін дамытуға қосатын үлесіне тоқталған Тұңғыш Президент Қорының атқарушы директоры Қанат Жұмабаев.

Осылайша, «Жылдың үздік прозасы» аталымында «Адасқандар» шығармасымен Айзат Рақышева үздік шықты. «Жылдың үздік поэзиясы» аталымы бойынша Қайсар Қауымбек («Күңіренбе, молалар») және Айбол Исламғалиев («Жалғыздық картинасы») қатар жеңімпаз атанды. «Жылдың балаларға арналған үздік шығармасы» аталымында Алина Гатина топ жарса, «Астананың 20 жылдығы» тақырыбына арналған үздік әдеби туынды» аталымының иегері болып Шерхан Талап («Астана бояулары») танылды.

Биыл «Жылдың үздік драматургиясы» аталымы бойынша ұсынылған жұмыстардың қойылған талаптарға сай келмеуіне байланысты, жеңімпаз анықталған жоқ.

Сондай-ақ «Жылдың үздік прозасы» аталымы бойынша Тұрсынбек Башаровқа («Чириме») және «Жылдың балаларға арналған үздік шығармасы» аталымында Ақан Марғұланға («Жетіқарақшы») көтермелеу сыйақысы ретінде 500 мың теңгеден берілді.  

 

 

Біздің каналымызға жазылыңыз:

Басты сөздер: Астана, Мәдениет, Әдебиет,
Бөлісіңіз:

Автор:

Аян Бекенұлы

Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
MURAǴAT