+7 (701) 759 90 19
USD 429.84 EUR 482.32
RUB 5.77 CNY 67.32
Jańalyqtar

Алтын Орданың 750 жылдығы: Атырауда халықаралық конференцияның пленарлық отырысы басталды

2021 жылғы 28 қазан 12:24
Бөлісіңіз:
Алтын Орданың 750 жылдығы: Атырауда халықаралық конференцияның пленарлық отырысы басталды

АТЫРАУ. ҚазАқпарат – Атырауда өтіп жатқан «Ұлық ұлыс – Алтын Орда» атты халықаралық ғылыми-практикалық конференцияның пленарлық отырысы басталды, деп хабарлайды ҚазАқпарат тілшісі.

Пленарлық отырысты ашқан ҚР Президенті Әкімшілігі Басшысының бірінші орынбасары Дәурен Абаев Мемлекет басшысы Қасым-Жомарт Тоқаевтың құттықтауын оқыды.

Пленарлық отырыс барысында Атырау облысының әкімі Махамбет Досмұхамедов конференция қонақтарына Сарайшық жобасын таныстырады. Сондай-ақ, ҚР Білім және ғылым министрі Асхат Аймағамбетов пен Дәурен Абаев та құттықтау сөз алады.

Конфренцияның бұл бөлігінде қазақстандық тарихшылармен бірге АҚШ ғалымы Юлай Шәмілоғлы «Алтын Орда қалалары және Сарайшық» атты баяндама жасайтыны жоспарланған.

Пленарлық отырыс аясында конференцияның қарарын қабылдау күтіледі.

Еске салсақ, кешеден бері Атырау облысында «Ұлық ұлыс – Алтын Орда» атты халықаралық ғылыми-практикалық конференция өтіп жатыр.

Бүгін шараның панельдік отырыстары басталды. Ол 5 тақырыпқа бөлінген.

Конференция аясында шара қонақтары мен ғалымдарға Сарайшық ауылындағы этноауыл таныстырылады.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT