+7 (701) 759 90 19
USD 410.70 EUR 465.28
RUB 5.80 CNY 58.81
Jańalyqtar

«Алтын Гран-при» турнирі: Қазақстандық балуандар 4 алтын медаль алды

2018 жылғы 25 маусым 12:31
Бөлісіңіз:
«Алтын Гран-при» турнирі: Қазақстандық балуандар 4 алтын медаль алды

АСТАНА. ҚазАқпарат - Венгрияның Дьер қаласында грек-рим күресінен «Алтын Гран-при» рейтингілік турнирінде отандастарымыз 4 алтын, 2 күміс, 3 қола медаль жеңіп алды, деп хабарлайды ҚазАқпарат тілшісі.

Күрес түрлері федерациясының баспасөз қызметі мәлім еткендей, аталған додаға әлемнің 11 елінен ең таңдаулы балуандар бақ сынады. Аталған додада Нұрым Дүйсенов баптайтын еліміздің грек-рим күресі шеберлері төрт салмақ дәрежесінде топ жарды.

Жарыстың алғашқы күні кілемге шыққан балуандар арасында 55 келі салмақта ел намысын қорғаған Жансерік Сәрсенбиев Гран-при жеңімпазы атанды. Жансерік бірінші белдесуде венгриялық балуанды 10:1 есебімен ұтса, одан кейін 8:0 есебімен қытай балуанының мысын басып, ақтық сынға шықты. Дәл осы салмақта күрескен Қазақстанның тағы бір балуаны Қорлан Жақанша да іріктеу сайыстарын сәтті өткізіп, финалға жолдама алған еді. Сөйтіп, 55 келі салмақтың бас жүлдесі қос балуанымыздың арасында сарапқа салынып, жеңіс Жансеріктің еншісіне жазылды.

Гран-при турнирінің екінші күні қоржынымызға тағы үш алтын медаль түсті. 67 келі салмақта күрескен Мейіржан Шермаханбет пен 77 келідегі Тамерлан Шадукаев және аса ауыр салмақтағы (130 келі) Нұрмахан Тінәлиевке Венгрия жерінде қарсылас шақ келмеді. Биылғы Қазақстан чемпионатында топ жарған оңтүстікқазақстандық Мейіржан Шермаханбет финалда Мұхамедреза Гераиді 6:3 есебімен жеңді. Ирандық балуан алғашқы айналымда Алмат Кебісбаевты 10:9 есебімен қапы қалдырған еді. Алмат өз кезегінде 67 келінің қола медалін иеленді.

77 келіде өнер көрсеткен Тамерлан Шадукаев финалда жарыс қожайынынан басым түсті. Ал, 130 келідегі Нұрмахан Тінәлиев болса, финалда қытай балуанынан айласын асырды. Нұрмахан ақтық сынға дейін Венгрияның екі балуанын және қырғыз балуанын ұтты.

Өкінішке қарай, Гран-при турнирінің бас жүлдесін сарапқа салған 97 келідегі Ерұлан Ысқақов венгриялық балуанмен 3:3 есебімен тең түскенімен, әдіс қолдану барысы жоғары болғандықтан қарсыласының жолы болып кетті.

Қоржынымызға түскен үш қола медаль - Алмат Кебісбаев (67 келі), Демеу Жадыраев (72 келі) және Мирас Баршылықовтың (77 келі) еншісінде.

Командалық есепте Қазақстан құрамасы Иран балуандарын алға жіберіп, екінші орынға ие болды.

Біздің каналымызға жазылыңыз:

Бөлісіңіз:

Автор:

Күнсұлтан Отарбай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT