Алты айда Қазақстандағы ет өндірісі 7,4 пайызға артты

АСТАНА. ҚазАқпарат - 2018 жылдың қаңтар-маусым айларында Қазақстандағы ет өндіру көлемі 128 004 тоннаны құрады, бұл өткен жылдың осы кезеңімен салыстырғанда 7,4 пайызға көп, деп хабарлайды ҚазАқпарат ҚР Ұлттық экономика министрлігінің статистика комитетіне сілтеме жасап. 

Есепті кезеңде 259 082 тонна көлемінде сүт (өткен жылдың қаңтар-маусымымен салыстырғанда өсім 9,7 пайыз), 195 593 тонна ұн (өсім - 16,7 пайыз), 168 958 тонна қант (өсім - 2,2 пайыз), 40 997 тонна жарма өнімдері (өсім - 29,3 пайыз) өндірілген.