+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Алты айда 158 мың адам тұрақты жұмысқа орналасты

2018 жылғы 10 шілде 18:04
Бөлісіңіз:
Алты айда 158 мың адам тұрақты жұмысқа орналасты

АСТАНА. ҚазАқпарат - Ағымдағы жылдың 6 айында 158 мың адам тұрақты жұмысқа орналасты. Бұл туралы бүгін Үкімет отырысында «Нәтижелі жұмыспен қамту және жаппай кәсіпкерлікті дамыту бағдарламасы» туралы баяндаған ҚР Еңбек және халықты әлеуметтік қорғау министрі Мәдина Әбілқасымова айтты, деп хабарлайды ҚазАқпарат тілшісі.

«2018 жылы бағдарламаны іске асыруға 110,6 млрд теңге бөлінді. Бұл 571 мың азаматқа жұмыспен қамту шараларын көрсетуге мүмкіндік береді. Бірінші жартыжылдық қорытындысы бойынша 290 мыңдай жұмыссыз және нәтижесіз жұмыспен қамтылған азаматтар жұмыспен қамту шараларына тартылды немесе жартыжылдық жоспар 101 пайызға орындалды. Олардың 243 мыңы жұмысқа орналастырылды, оның ішінде 158 мың адам немесе 66 пайызы тұрақты жұмыспен қамтылды», - деді министр.

Оның айтуынша, бағдарламаның бірінші бағыты аясында 2017 жылдан бастап алғашқы мамандық алуға жоғары оқу орнына түспеген мектеп түлектеріне тегін техникалық және кәсіптік оқу мүмкіндігі берілуде. Биылғы 1 қыркүйектен бастап тағы да 21 мың жас колледждерде оқуын бастайды. Мұнан бөлек, колледждер мен оқу орталықтарының базасында 37 200 жұмыссыз бен өзін-өзі жұмыспен қамтыған адамды оқыту жоспарланып отыр. Бұл мақсатқа 7,8 млрд теңге көзделген.

1 шілдедегі жағдай бойынша 30 мыңдай қатысушы оқуға жіберілген. Бұл жылдық жоспардың 80 пайызын құрайды. Өңірлер бойынша қысқа мерзімді оқытумен Маңғыстау облысында 20 пайыз және Астана қаласында 49 пайыз қамтылған. Бұл - төмен көрсеткіш.

Бағдарлама қатысушылары қажетті техникалық мамандықтар және қызмет көрсету салалары бойынша оқытылды.

«Ең сұранысқа ие кәсіптер - тігінші, шаштараз, машинист, электргаз дәнекерлеуші, кондитер, аспаз. Қысқа мерзімді оқытудың басты көрсеткіші нәтижелі жұмысқа орналасу деңгейі болып табылады. Оқудан өткен 9 513 адамның тек қана 50 пайызы немесе 4 732 адам жұмысқа орналасты», - деді ол.

Біздің каналымызға жазылыңыз:

Бөлісіңіз:

Автор:

Марлан Жиембай

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT