Алматының үздік оқушылары «Үркер» төсбелгісін иеленді
Марапатталған оқушылардың ішінде ғылым және өнер саласындағы додаларға қатысып, үздік нәтиже көрсеткен 9-11 сынып оқушылары болды.
«Алматыда дарынды балалардың саны артып келеді. Алматы қалалық командасы биыл республикалық пәндік олимпиада мен республикалық деңгейдегі ғылыми байқауларда бірінші орынды иеленді», - деді қала басшысы.
Қала басшысының айтуынша, 2014 жыл - Білім жылы деп аталғаны тегін емес. Биыл көптеген білім ордаларының материалдық жағдайын жақсартуға басымдық берілмек.
«Биыл бірнеше заманауи мектеп салынады, көптеген оқу орындарының материалдық жағдайы жақсартылып, қажетті құрал-жабдықтар алынады. Сондай-ақ білім сапасын арттыру үшін бірқатар шаралар жүзеге асырылады», - деді ол.
Шара барысында қала басшысы сондай-ақ озат оқушылардың ата-аналары мен оқытушыларына алғысхаттар мен Құрмет грамоталарын табыстады.
Айта кетейік, «Үркер» төсбелгісі 2009 жылы бекітілген. Алты жыл ішінде 1252 озат оқушы аталған белгіге ие болған.