Алматының Мемлекеттік кірістер департаменті онлайн жұмысқа көшті

АЛМАТЫ. ҚазАқпарат – Алматыда Мемлекеттік кірістер органдары қашықтан жұмыс форматына ауысты, деп хабарлайды ҚазАқпарат тілшісі.

16 маусымнан бастап Мемлекеттік кірістер департаментінің басқармалары мен кедендік постарда төмендегідей жұмыс регламенті белгіленді:

1. Электрондық форматта көрсетілетін қызметтер тек қана электронды түрде ұсынылатын болады.

2. Электрондық форматта көрсетіліп келмеген мемлекеттік қызметтер (кіріс және шығыс құжаттарын қабылдау) « Электрондық үкімет» порталы арқылы жүзеге асырылады.

3. Консультациялық қызмет телефон арқылы көрсетіледі.