Алматының Медеу ауданына жаңа әкім тағайындалды

None
None
АЛМАТЫ. ҚазАқпарат – Алматы әкімі Бақытжан Сағынтаевтың өкімімен, Президент Әкімшілігінің және қала мәслихатының келісімі бойынша Әсет Масабаев Медеу ауданының әкімі болып тағайындалды, деп хабарлайды ҚазАқпарат тілшісі.

Әсет Масабаев 1985 жылы туған. Алматыдағы Энергетика және байланыс институтының, Экономика және құқық Академиясының, Мәскеу қаласындағы ресейлік Халықтар достығы университетінің түлегі.

Еңбек жолын 2007 жылы «Алматы электр станциясында» электромонтер болып бастады.

2008 жылдан 2010 жылдары «Наз» ЖШС-де бас энергетик, «Алмаз және КЮС» ЖШС-де техникалық директоры болды.

2010 жылдан 2013 жылдары Алматы қаласы Энергетика және коммуналдық шаруашылық басқармасында жетекші маманның міндетін атқарушыдан энергия,жылумен қамту бөлімінің бастығына дейінгі жолдардан өтті.

Әр жылдары Жетісу және Медеу аудандары әкімдерінің орынбасары, Алматы қаласы әкімінің бас инспекторы, қаланың Табиғи ресурстар және табиғатты пайдалану басқармасының, Энерготиімділік және инфрақұрылымдық даму басқармасының басшысы болды.

2019 жылдың сәуір айынан бастап Алматы қаласының Энерготиімділік және инфрақұрылымдық даму басқармасының басшысы қызметін атқарды.

Соңғы жаңалықтар