Алматының көптеген медициналық мекемелері жабдықталмаған – Бақытжан Сағынтаев

АЛМАТЫ. ҚазАқпарат – Алматы қаласының медициналық мекемелерін барлық қажеттіліктермен жабдықтау 2022 жылдығ соңына дейін кемінде 90% болады. Бұл туралы өзінің Facebook әлеуметтік желісіндегі парақшасына Алматы қаласының әкімі Бақытжан Сағынтаев жазды, деп хабарлайды ҚазАқпарат.

«Бүгін Алматының медициналық мекемелері бір айлық аудитінің қорытындыларын қарадық. Оның нәтижесі бойынша қала ауруханалары мен емханаларының жоғары дәлдіктегі қондырғылармен жабдықталуы 60%-ке жуық екені анықталды. Дегенмен, бұл көрсеткіш 22% жетпейтіндері де бар. Олар — №20, 21, 25, 26, 27 емханалар. Аталған емханаларда жабдықтар ұзақ уақыт бойына ауыстырылмаған, тіпті тозу деңгейі белгіленген нормадан асып кеткен»,-деп жазды әкім.

Оның сөзінше, биылғы жылы осы емханалар үшін өте қажет, жоғары технологиялы 35 бірлік диагностикалық жабдықтар: УЗИ, рентген, флюорограф, маммограф және басқалары алынады.

«Ал 2022 жылдың аяғына қарай қаланың медициналық мекемелерінің жабдықталуы 90%-тен төмен болмайды»,-деді шаһар басшысы.