Алматының қай аудандарында газ өшіріледі
Қаланың Алатау және Наурызбай аудандарында орналасқан екі сектордың тұрғындарына табиғи газ беруді шектеу мерзімі 1,5 тәуліктен аспайды. 22 қазан күні сағат 00.00-де Наурызбай ауданының аумағында орналасқан Сәдуақасов-Пионерская-Айбергенов көшелері-Райымбек батыр даңғылында («Алтын Бесік», «Достық», «Қалқаман-1», «Қалқаман-2», «Шұғыла» шағынаудандары) 4 мыңға жуық жекеменшік тұрғын үй мен 4 көпқабатты үй газдан ажыратылады.
23 қазаннан бастап Алатау ауданындағы Момышұлы-Cаин-БАК-Солтүстік шеңбер-Рысқұлов көшелерінде (Айгерім-1», «Ақбұлақ», «Заря Востока», «Көк Қайнар», «Құрылысшы-1» және «Құрылысшы-2», «Түркістан», «Шаңырақ-1» және «Шаңырақ-2») шамамен 8 мың үй 1,5 тәулікке газдан ажыратылады.
Наурызбай ауданының тұрғындарын газбен жабдықтау жұмыстары 23 қазанда, ал Алатау ауданында - 24 қазанда жүргізіледі. «ҚазТрансГаз-Аймақтың» атап өтуінше, газбен жабдықтау бойынша шектеу енгізу мерзімдері метеорологиялық болжамдарға сәйкес түзетілген. Жауапты кәсіпорын аталған қалалық сектор тұрғындарынан уақытша қолайсыздыққа түсіністікпен қарауды сұрайды.