17:26, 09 Қаңтар 2018 | GMT +6
Алматының бірнеше көшесінде жол жүру бағыты өзгереді
АЛМАТЫ. ҚазАқпарат - Алматыда Құлжа тас жолы мен Рысқұлов көшесінде жол жүру схемасы 10 қаңтардан бастап өзгереді, деп хабарлайды ҚазАқпарат тілшісі.
Қалалық Жолаушылар көлігі және автомобиль жолдары басқармасының хабарлауынша, «Құлжа күре жолы мен Рысқұлов даңғылы қиылысындағы көлік жол айрығы» нысаны бойынша құрылыс-монтаждау жұмыстарының жүргізілуіне байланысты автокөлік қозғалысы өзгертілген схема бойынша жүзеге асырылады.