Валюта бағамдары:
    usd/kzt 467.99 eur/kzt 488.82

    rub/kzt 7.7 cny/kzt 65.06
Ауа райы:
Нұр-Сұлтан: +2+4℃
  Jańalyqtar  >

Алматының Алатау ауданында екі мемлекеттік колледж салынады

2022 жылғы 6 қазан, 12:02

АЛМАТЫ. ҚазАқпарат – Алматы қаласының Алатау ауданында екі мемлекеттік колледж салынады. Бұл туралы қала әкімі Ерболат Досаев аудан тұрғындарымен кездесуде айтты, деп хабарлайды ҚазАқпарат тілшісі.

«Келесі жылдан бастап Алатау ауданында екі мемлекеттік колледж салынады. Оның бірі - «Зерделі» шағынауданында 380 орынға есептелген жатақханасы бар 720 орындық кәсіптік-техникалық колледж. Қазіргі таңда оны салуға мердігер ұйымды анықтау үшін конкурс өткізіліп жатыр. Екіншісі – 380 орынға арналған жатақханасы бар 720 орындық инновациялық технологиялар колледжі. Ол келесі жылдың 1-ші тоқсанында Индустриялық аймақта салына бастайды», - деді Ерболат Досаев.

Еске салайық, Алматыдағы бірқатар колледж бен университеттер Қонаев қаласына көшірілетінін хабарлаған болатынбыз.


Автор:

Думан Арғынгелді

Новости по теме
Ұқсас жаңалықтар
Серіктестер жаңалықтары