Алматының 8 шағынауданындағы сумен жабдықтауды түске дейін қалпына келтіреді
«Уәде етілгендей, түске дейін барлығын қалпына келтіреміз. Қазір су құбырына тұтынушылар қосылу үшін дайындық жұмыстары жүргізілуде», - деді А.Жылысова.
Оның айтуынша, орталық су жүйесіне зақым келгендіктен, 1,2,3,4,7,8,9 шағынаудандарды салқын сумен қамтамасыз ету жүйесі тоқтап тұр.
Айта кетейік, Әуезов ауданында, 8 шағынауданда диаметрі 600 мм-лік салқын су құбырының жарылуынан жаңадан салынған нысандардың біріндегі қазаншұңқыр мен жертөлелерді су алған.
«Апат салдарын жоюға қалалық ТЖД апаттық-құтқару жұмыстары және өрт сөндіру қызметі жеке құрамының 8 адамы мен 2 техника, «Алматы Су Холдинг» МКК апаттық бригадасынан 15 адам мен 3 дана техника, Алматы-109 құтқару қызметінен 9 адам, 3 мотопомп және 1 техника, «Метрополитен» КМК-ден 6 адам мен 1 мотопомп жұмылдырылды», - деді ҚР ІІМ ТЖК ресми өкілі Руслан Иманқұлов.