Алматының 2040 жылға дейінгі даму бағдарламасы таныстырылды
25-27 қаңтар аралығында аламтылықтар қаланың жаңа бас жоспарын қоғам болып талқылайды.
Шараның алғашқы күні «Алматыбасжоспар» ҒЗИ» ЖШС бас директоры Асхат Садуов Алматы қаласының 2040 жылға дейінгі даму бағдарламасы жайында баяндама жасады.
Оның айтуынша, қаланың қолданыстағы бүгінгі бас жоспары 20 жыл бұрын, яғни 2002 жылы бекітілген.
«Бұл құжатта қала қажеттіліктерінің өсуі ескерілген жоқ. Себебі, осы уақыт ішінде қала аумағы екі еседен артық аумаққа ұлғайды. Яғни 33 898 гектардан 70 348 гектарға дейін, ал қала халқының саны 2,1 млн-ға дейін көбейді. Қала агломерация орталығына айналды, оның экономикасы өзгерді. Қала аумағының екі есе ұлғаюы аудандардың әлеуметтік, инженерлік, көліктік және өзге де инфрақұрылыммен қамтамасыз етілу деңгейіне кері әсерін тигізді. Бас жоспарға енгізілген түзетулер оны жан-жақты жетілдіре алмады, яғни, құжат өзгерістерді ескермеді, өзектілігін жоғалтты және түбегейлі қайта қарауды қажет етті. Сондықтан өткен жылы Алматы әкімі Ерболат Досаевтың тапсырмасы бойынша қаланың 2040 жылға дейінгі іске асырылуының уақытша көкжиегін белгілей отырып, жаңа бас жоспарды жасау қолға алынды», - деді Асхат Садуов.
Спикердің сөзінше жаңа бас жоспарды әзірлеу «Алматы қаласын 2025 жылға дейін дамыту бағдарламасы және 2030 жылға дейінгі орта мерзімді перспективалармен» тығыз байланысты.
«Бас жоспардың негізгі мақсаты – Алматының бүкіл аудандарында жайлы қалалық орта құру және өмір сүру сапасын арттыру. Жаңа бас жоспар Алматының даму векторын белгілейді, олар: агломерациямен неғұрлым тиімді байланыстағы үйлесімді мегаполис, қала тұрғындары мен қонақтарының өмірі, жұмысы, бос уақыты үшін тартымды және жайлы орынды қалыптастыру, мұнда әлемнің жетекші қалаларының тәжірибесі мен тәжірибесін ескеріледі. Осы мақсаттарға жету үшін Алматыда 5 жаңа полиорталықты дамыту жоспарлануда. Жоспарлау кезеңінде барлық қажетті тұрғын үй, әлеуметтік, инженерлік, көлік, цифрлық, коммерциялық және рекреациялық инфрақұрылым қарастырылды. Осының арқасында полиорталықтар өмір сүрудің шағын және жайлы аудандарына, іскерлік және қоғамдық белсенділік орталықтарына айналады, қала тұрғындарының әл-ауқатының өсуі мен «теңестірілуіне» негіз жасайды. Мәдени және тарихи маңызы сақталатын тарихи орталыққа да назар аударылады, бұл ретте Кеңес кезеңінде салынған шағын аудандарды ревитализациялау бағдарламасы жүргізіледі», - деді спикер.
Алматының жаңа бас жоспарын және полиорталықтардың шеберлік-жоспарларын қабылдау және іске асыру нәтижесінде 2030 жылға қарай мыналар көрініс табады:
- Т-тәрізді қиылыстардың көше байланысын барынша жақсарту;
- кеңістік интеграциясы мен байланысты көшелер желісі есебінен тұратын аудандар бір-бірінен және тарихи орталықтан оқшауланбайды, бұл қаланың кез келген басқа нүктесіне оңай жетуге мүмкіндік береді.
«Солтүстік – оңтүстік», «шығыс – батыс» бағыттары бойынша көлік байланысының, сонымен қатар, қоғамдық көлікке бөлінген жолақтардың саны мен сапасының артуы қоғамдық көлікте күнделікті күн сайын пайдалануды 1,6 есеге-2,3 млн.дейін өсуіне әкеледі деп күтілуде.
- кварталдармен бірге көшелердің тығыздығы 5 гектарға дейін болады (10-15 км-2км-ге);
- құрылыстың экономкалық тиімділігі (120 адам/га);
- «Есіктен есікке дейін» үздіксіз жаяу жүргіншілер инфрақұрылымы (2023 жылы әуежайдан Тұңғыш Президент саябағына дейін жалпы ұзындығы 25 км20 көшелер бойынша жаяу жүргіншілер кеңістігін қайта жаңарту жоспарлануда);
- жасыл кеңістіктер байланысының желісі (скверлер, саябақтар, аллеялар, өзен жағалаулары, променадтар);
- 2040 жылға дейін оқушы орындарының тапшылығын қысқарту, 90-нан астам мектепті пайдалануға беру жоспарлануда;
- 180 мыңға жуық жұмыс орнын құру (2025 жылға дейін – 65 мың), оның ішінде әлеуметтік салада және өмір сүруді қамтамасыз ету қызметтерінде (дәрігерлер, оқытушылар, полицейлер, өрт сөндірушілер және т.б.) шамамен 30%, 70% – мамандандырылған жұмыс орындары.
Қадамдық қолжетімділікте барлық қажетті қамтамасыз ету қағидатына сәйкес сапалы инженерлік және көлік инфрақұрылымы салынады.
Қазіргі кезде Алматы қаласының бас жоспарының жобасы 2040 жылға дейін қаланың мемлекеттік органдарымен және коммуналдық қызметтерімен келісілді және Қазақстан Республикасы Индустрия және инфрақұрылымдық даму министрлігінің бұйрығымен құрылған сараптама комиссиясының қарауына жіберілді.
Кейбір бөлімдер бойынша сарапшылардың ескертулері мен жергілікті қорытындысы ескерілді.
Спикер Асхат Садуовтың баяндамасынан соң сарапшылар мен қоғам өкілдері ұсыныстар мен ескертулерін жеткізді. Айта кетейік, келесі кездесу ертең өтеді, үшінші күні, яғни, 27 қаңтарда өтетін кездесуге қаланың барлық сегіз ауданының тұрғындары бас жоспарды талқылауға қатысады.