Алматылықтарға тау бөктерлеріне шығуға тыйым салынды

АЛМАТЫ. ҚазАқпарат – Алматыда қар көшкіні жүру қаупіне байланысты тау бөктерлеріне шығуға тыйым салынады, деп хабарлайды ҚазАқпарат тілшісі қалалық Төтенше жағдайлар департаментінің баспасөз қызметіне сілтеме жасап.

Ұқсас жаңалықтар

10 өңірде ауа райына байланысты ескерту жарияланды

10 сәуір күні Қазақстанда ауа райы қандай болады Жел, тұман, жаңбыр: 9 сәуірге арналған ауа райы болжамы 8 сәуірде ел аумағында ауа райы құбылмалы болады

Департамент таратқан мәліметтерге қарағанда, жылымық кезде жауын-шашынның мол түсуіне және қар жамылғысының тұрақсыздығы мен биіктігінің жоғары болуына байланысты Үлкен және Кіші Алматы су алаптарында 8- 12 сәуір аралығында қар көшкіні қаупі сақталады.

«Көшкін жүру қаупі ықтимал болуына байланысты, қарлы тік жартастарға шығуға болмайды. Тауда абай болыңыздар»,- делінген ведомстваның хабарламасында.

Қазгидромет ауа райы болжамына сәйкес 9 сәуірде Қазақстан территориясының басым бөлігінде атмосфералық фронттардың өтуіне байланысты тұрақсыз ауа райы сақталады. Республикамыздың оңтүстік-батысында шаңды дауыл соғады, солтүстікте көктайғақ болады.