+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Алматылықтардың ⅔  қатаң шектеу шаралары кезінде жұмыс орындарын сақтап қалады

2020 жылғы 4 шілде 15:48
Бөлісіңіз:
Алматылықтардың ⅔  қатаң шектеу шаралары кезінде жұмыс орындарын сақтап қалады

АЛМАТЫ. ҚазАқпарат - Алматы әкімдігі қатаң шектеу шаралары кезінде алматылықтардың ⅔ жұмысы сақталатынына уәде етті. Бұл жөнінде Алматы қаласының өңірлік коммуникациялар қызметі алаңында Алматы қаласы әкімінің орынбасары Сапарбек Тұяқбаев айтып берді, деп хабарлайды ҚазАқпарат тілшісі.

Ұқсас жаңалықтар
Биыл Ақтауда 15 мектепке жөндеу жұмыстары жүргізілді «Еңбек» және «Жұмыспен қамтудың жол картасы» бағдарламаларының қорытындысы қаралды Елорданың Жұмыспен қамту орталығынан қандай қызметтерді онлайн алуға болады

Эпидемиологиялық жағдай мен коронавирус инфекциясына шалдығудың көбеюіне байланысты Алматыда ағымдағы жылдың 5 шілдесінен 20 шілдеге дейін қатаң шектеу шараларын енгізу туралы шешім қабылданған.

Атап айтқанда, қызметі тоқтатылған объектілер қатарына сауда ойын-сауық орталықтары, жабық азық-түлік және азық-түліктік емес базарлар, аумағы 500 шаршы метрден асатын азық-түліктік емес дүкендер, ойын-сауық орталықтары, банкет залдары, SPA-орталықтар, тренажер залдары, фитнес-орталықтар, спорттық-сауықтыру орталықтары, бассейндер, қалалық, қоғамдық жағажайлар, аквапарктер, қоғамдық моншалар, сауналар, сұлулық салондары, шаштараздар кіреді.

Сонымен бірге, мәдениет нысандарының қызметі, мұражайлардың, театрлардың, көрмелердің, діни және адамдар көп жиналатын басқа да нысандардың жұмысы тоқтатылды. Жаппай шараларды өткізуге қойылған тыйым мерзімі ұзартылды.

Онымен қоса, қала әкімінің орынбасары қатаң карантин шараларына қарамастан бірқатар нысандар мен кәсіпорындардың жұмысы жалғасатынын атап өтті.

«Алматыда жұмыспен қамтылған азаматтар саны - 2 млн, ТЖ кезінде қаланы тіршілікпен қамтамасыз ету үшін небәрі 200 мың адам жұмысқа шықты, ол негізгі көрсеткіштен бес есе төмен. Енгізілген шектеу шараларының аясында бүгінгі таңда жұмыс істеп жүргендердің ⅔-сі қызметтерін жалғастыратын болады. Біз қызмет көрсету, сауда, өндіріс, құрылыстан бастап, базалық индустрияны сақтап қалдық. Бір жағынан ондағы міндетіміз - жұмыс орнын, халықтың кірісін сақтап қалу болса, екінші жағынан, коронавирус инфекциясының жаппай таралуын тоқтату. Соңғы айда көріп отырғанымыздай, ауыру (жұқтыру) қарқыны өсіп жатыр, осы үрдісті тоқтатып, жағдайды тұрақтандыру үшін бізге осындай шараларды қабылдауға тура келді», - деді С.Тұяқбаев.

Осылайша, санитарлық-дезинфекциялық режимді қатаң сақтау шартымен қызметіне рұқсат етілген объектілер қатарына:

медициналық орталықтар (алдын ала жазылу бойынша);

дәріханалар, азық-түлік дүкендері (шағын маркеттер, супермаркеттер, гипермаркеттер), азық-түліктік және азық-түліктік емес базарлар (ғимараттан тыс);

ашық ауада және залда 30-дан аспайтын отыратын орын орнатумен үй-жайда жұмыс істеген жағдайда қоғамдық тамақтану объектілері. Жұмыс дағдыға және жеткізуге рұқсат етіледі;

үздіксіз өндірістік циклі бар өнеркәсіптік кәсіпорындар; сондай-ақ ашық аспан астынла жүргізілетін құрылыс жұмыстары кіреді.

Сонымен қатар, қаланың тыныс-тіршілігін қамтамасыз ететін ұйымдар мен кәсіпорындар қызметкерлері тұратын объектілерді қоспағанда, күшейтілген санитарлық-дезинфекциялық режимді сақтай отырып, халықтың (қонақ үйлер, қонақ үйлер, демалыс үйлері, туристік базалар және т.б.) тұруы бойынша қызмет көрсету саласындағы туризм объектілері мен ұйымдар қызметіне шектеу қойылған.

Бірқатар нысандардың қызметіне жұмыс кестесі бойынша шектеулер енгізілді. Мысалы, бизнес-орталықтар (сақтандыру компаниялары, нотариус, бухгалтер, консалтинг агенттіктер, жылжымайтын мүлік агенттіктері, жарнама агенттіктері және т.б.), айырбастау пункттері, ломбардтар жұмыс және демалыс күндері сағат 9.00-ден 17.00-ге дейін жұмыс істейтін болады.

Халыққа байланыссыз қызмет көрсететін бірқатар объектілердің жұмысы (автомобиль жуу, автомобильдерді жөндеу, тұрмыстық техника, химиялық тазалау және т.б.) жалғастырылды. Олар күшейтілген санитариялық-дезинфекциялық режимді сақтай отырып, сағат 10.00-ден 17.00-ге дейін жұмыс істей алады.

Сонымен бірге, қалада қоғамдық орындар мен жұмыстары жалғаса беретін нысандарда шектеу шараларының орындалуы бақылауға алынып, мониторинг жасалады. Тәртіп бұзушылық дерегі анықталған жағдайда тиісті әкімшілік шаралары қарастырылады.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT