Алматылықтар Тәуелсіздік монументіне гүл шоқтарын қойды

None
АЛМАТЫ. ҚазАқпарат - Алматы әкімі Ерболат Досаев бастаған қала жұртшылығы Тәуелсіздік монументіне гүл шоқтарын қойды, деп хабарлайды ҚазАқпарат тілшісі.

Тәуелсіздік монументі алдындағы салтанатты шараға қала тұрғындары, ардагерлер, қоғамдық ұйымдар мен этномәдени бірлестіктердің өкілдері, 1986 жылы желтоқсан оқиғасына қатысушылар қатысты.

Іс-шараға қатысушылар мемлекеттің тәуелсіздігі жолында өз өмірін қиғандарды 1 минут үнсіздікпен еске алды.

Салтанатты рәсім Алматы өңірлік гарнизоны әскери-үрмелі оркестрі және сарбаздарының Қазақстан Республикасы Гимн орындауымен аяқталды.

Айта кетейік, Тәуелсіздік монументі Республика алаңында 1996 жылы 16 желтоқсанда ашылған болатын.

Бүгін Қазақстанның Тәуелсіздігіне 31 жыл толды.


Соңғы жаңалықтар