USD 434.34 EUR 491.93
RUB 5.56 CNY 68.67
Jańalyqtar

Алматылықтар ПИK-тен МИБ-ке ауысудың қиындығына шағымданды

2021 жылғы 21 қазан 15:15
Бөлісіңіз:
Алматылықтар ПИK-тен МИБ-ке ауысудың қиындығына шағымданды

АЛМАТЫ. ҚазАқпарат - Жетісу ауданында орналасқан көппәтерлі тұрғын үйдің тұрғындары қала әкіміне пәтер иелері комперативінің қызметіне шағымданды, деп хабарлайды ҚазАқпарат тілшісі.

Ұқсас жаңалықтар
Алматының «электрондық үкімет» порталында уақытша қолжетімсіз қызметтердің тізімі жарияланды Алматыда 124 мыңға жуық егде жастағы адам вакцина алды Ревакцинациядан кейін «жасыл» мәртебе қанша уақыт сақталады

Тұрғындардың айтуынша, олар үйді басқарудың жаңа жүйесі Мүлік иелерінің бірлестігіне (МИБ) өте алмай отыр. Almaty телеарнасының тікелей эфирінде «Көкмайса» ықшам ауданының тұрғыны МИБ-ке көшудің дұрыс жолдарын сұрады.

«Біздің ПИК мүлде жұмыс істемейді, олар жеті жыл бойы жұмыс істеген жоқ. Төраға немен айналысатыны түсініксіз. Егер біз МИБ-ке ауысамыз десек, онда ол «біздің үйде оған қарызы бар, сотқа берем» деп қорқытады. МИБ-ке ауысу үшін қайда барып, не істеу керектігін білмейміз»,- деді қала тұрғыны.
Бақытжан Сағынтаев осы сұрақ бойынша қазір Тұрғын үй саясаты басқармасы кеңестер беріп, аудан әкімдіктерімен бірлесе қаладағы барлық ПИК-терді мүлік иелері бірлестігіне немесе қарапайым серіктестікке (ҚС) көшуге көмектесіп жатқанын айтты.
«Заң қабылданды. Енді сіздер не МИБ немесе ҚС-ге көшуіңіз керек. Басқа жолы жоқ. ПИК-те қала бере алмаймыз. «Ешқандай жөндеу жұмыстары жүргізілмейді, ПИК төрағасы сотқа деп қорқытады» дедіңіз, алайда тұрғындардың өздері ПИК төрағасын сотқа бере алады. Сондай-ақ, одан тұрғындардың төлеген ақшасы қайда кеткенін, үйдің жағдайы неліктен нашар екенін сұрауға болады. Ондайдан қорқудың қажеті жоқ. Сіздер тұрғындар өздеріңіз жиналыс өткізіп, қандай формаға ауысуды, МИБ немесе ҚС-ке ауысуды шешуіңіз керек», - деп жауап берді әкім.
Бақытжан Сағынтаев Тұрғын үй саясаты басқармасының басшысы Данияр Қырықбаевқа аталған мәселені шешуді тапсырды.

Біздің каналымызға жазылыңыз:

Бөлісіңіз:

Автор:

Думан Арғынгелді

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT