Алматылықтар өткір газ иісіне шағымданды
2022 жылғы 17 қаңтар 13:31

Алматылықтар өткір газ иісіне шағымданды

АЛМАТЫ. ҚазАқпарат- «112» желісіне Алматы қаласының Алмалы, Әуезов және Бостандық аудандарының тұрғындарынан үй мен пәтерлерде газдың иісі шығып тұрғаны туралы шағымдар келіп түсіп жатыр. Оның себебін «Интергаз Орталық Азия» АҚ түсіндірді, деп хабарлайды ҚазАқпарат тілшісі.

«Қазіргі уақытта барлық хабарламаларды пысықтау үшін газ қызметінің 7 апаттық бригадасы іске қосылды»,- деп хабарлады компаниядан.

«Интергаз Орталық Азия» АҚ Алматы қаласы бойынша магистралдық газ құбырлары басқармасының дерегіне сенсек,16 қаңтарда температураның +15-қа дейін жалпы нормадан ауытқып, көтерілуіне байланысты газ тығыздығы артқан.

Ол сыртқа шығатын газдың азаюына әкеп соқты. Сонымен қатар, иіс шығару қысқы режимде сақталды.

«Алғаш келіп түскен өтінімдерден кейін шығатын қысымды төмендету, сондай-ақ иіс шығару нормасын төмендету туралы шешім қабылданды. Бұл ретте барлық өтінім бойынша азаматтардың өмірі мен денсаулығына қауіп төндіретіндей газ шыққан жоқ. Одорант физиологиялық тұрғыдан зияны жоқ. Қазіргі уақытта газды реттеу жұмыстары қолмен басқарылады»,- делінген хабарламада.

Газбен жабдықтауда проблемалар туындаған жағдайда, «104» нөміріне авариялық қызметке жүгіну қажет.


Автор:
Тілші

Jańalyqtar

MURAǴAT