Алматылықтар «NowRyz Party» шарасын атап өту үшін алып тиіннің қасына жиналды

АЛМАТЫ. ҚазАқпарат - Алматыда Атакенттегі атақты арт-нысан тиіннің қасында «NowRyz Party» думанды шарасы өтті, деп хабарлайды ҚазАқпарат тілшісі.

Мейрам қарсаңында алматылық алып тиіннің басына тақия кигізіліп, қолына жауқазын ұстатылған болатын.

Сағат 12-00-ге таман «Атакент» аумағында ине шаншар жер қалмады.

Шараға келген қонақтар алтыбақан теуіп, мерекелік жәрмеңкеден ұлттық бұйымдар алды.

Бүгін және ертең Алматыда мерекелік шаралар жалғасады.