Алматылықтар қабылдауға жеке бас мәселесімен ғана келмейді – Сағынтаев

АЛМАТЫ. ҚазАқпарат– Алматы тұрғындары «Nur Otan» партиясының қоғамдық қабылдауына бапана, жер, коммуналдық мәселелерге қатысты өз проблемаларын шешу үшін ғана келмейді. Көптеген жандар жақсы идеяларын ұсынады. Бұл туралы қала әкімі Бақытжан Сағынтаев Facebook-тегі парақшасында жазды, деп хабарлайды ҚазАқпарат тілшісі.
«Қабылдауға келгендердің арасында мүмкіндігі шектеулі жандардың мәселелерімен айналысатын Арнұр Ысқақов пен Нұргүл Сейітбекова болды. Олардың «Белсенді өмір» форумын өткізу және ыңғайлы киімдер тігу жөніндегі әлеуметтік маңызы бар жобаны жүзеге асыру ұсынысын қолдаймыз», - деп жазды Алматы әкімі.
Оның айтуынша, қолжетімді ортаны қамтамасыз ету – «Nur Otan» партиясы қалалық филиалының бақылауында тұрған маңызды мәселелердің бірі.
«Аппараттық жиында «Кедергісіз келешек» партиялық жоба туралы ақпаратты тыңдадық. Мүмкіндігі шектеулі жандарға қолжетімді ортаны қалыптастыратын әрі мемлекеттік қызметті көрсететін 20 ұйымның жұмыстарында кемшіліктер бар. Шешім қабылданды: партияның қалалық филиалының келесі отырысында аталған объектілер басшылары көрсетілген проблемалардың қалай шешіліп жатқанын баяндайтын болады», - деп қортындылады Бақытжан Сағынтаев.
- Алматы орталығында жатақхана өртеніп, бір адам ажал құшты
- Алматыда мереке күндері азық-түлік арзан бағада сатылады
- Қисайған үй сүрілетін болса, тұрғындардың жағдайы не болмақ
- Алматыда IT-технологиялар паркі ашылады
-
Алматы әкімдігі қисайған үйдің тұрғындарын көшіруге дайын
-
Бақытжан Сағынтаев жастардың Алматыдан неге кеткісі келмейтінін айтты
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам