+7 (701) 759 90 19
USD 436.29 EUR 492.83
RUB 5.92 CNY 68.48
Jańalyqtar

Алматылықтар ит жылы қарсаңында қаңғыбас иттердің барлығын асырап алды

2017 жылғы 24 желтоқсан 14:08
Бөлісіңіз:
Алматылықтар ит жылы қарсаңында қаңғыбас иттердің барлығын асырап алды

АЛМАТЫ. ҚазАқпарат - Алматылықтар ит жылы қарсаңында ауланған иттердің барлығын асырап алды. Қалалық ветеринарлық қызмет орталығының Инстаграмдағы парақшасында хабарланғандай, бүгін екінші күн қатарынан қаңғыбас иттер оқшаулағышында ит жоқ.

Жануарларды алматылық еріктілер Әлия Жұма мен Юлия Снегирева асырап алды.

Оларға Facebook қолданушылары дәрі-дәрмек, азық-түлікпен көмектесіп жатыр.

Екі ерікті бойжеткеннің әрқайсысы 50-60 ит асырап отыр. Соған қарамастан олар оқшаулағыштағы иттердің бірін қалдырмады.

Айта кету керек, Алматы билігі қаңғыбас иттерді бақылау саласында үлкен реформа жасап жатыр. Қалалық ветеринарлық қызмет орталығының басшысы Серік Жақсабаев Қоғамдық кеңестегі отырыста иесіз жануарларды асырап алу көрсеткішін арттыруға басымдық берілетінін айтты.

Осы мақсатта Instagram желісінде ұсталған жануардың суретін жариялап, бұрынғы қожайындарын тауып алу мүмкін болады.

«Оқшаулағыштың жұмыс уақыты 4 сағатқа ұзартылды. Таңғы 9-дан түнгі 10-ға дейінгі уақытта ит асырап аламын деушілер келіп қарай алады. Бұрын жануарларды 3 күн ұстаса, енді 5 күнге дейін ұзарту қарастырылып отыр. Биыл шілдеден бастап 3 058 жануар иесіне қайтарылды. Өткен жылы бұл көрсеткіш 357 болатын», - деді Серік Жақсабаев.

Оның айтуынша, бүгінде ит-мысық асырап алатындарға арнайы төлқұжат беріледі. Сонымен қатар, тегін екпе жасалып, чип орнатылады.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059
REDAKTOR
Жанибек Амангелди
Жанибек Амангелди
954-059

MURAǴAT