Алматылық танысынан докторантураға түсіру үшін 1,5 млн теңге алған

АЛМАТЫ. ҚазАқпарат – Алматылық азаматтарды докторантураға түсіруге және IELTS сертификатын алып беруге көмектесімін деп алдаған, деп хабарлайды ҚазАқпарат тілшісі.

Күдікті 46 жаста. Б. деген азаматша өзінің таныстарына докторантураға түсіріп, IELTS сертификатын алып берімін деп ұсыныс жасаған. Осылайша, ол адамдарды алдап, қомақты қаражат иемденген.

«Күдікті көрсететін көмегі үшін қомақты қаржы сұраған. Ол зардап шеккендердің бірінен оқуға және шетелге көшуге талап етілілетін сертификатты алып беру үшін 440 мың теңге алған. Тағы бір жәбірленушіден университетің докторантурасына түсіру үшін 1,5 миллион теңге алды. Қазір күдіктіге қатысты сотқа дейінгі тергеу басталды. ҚРҚК 190-бабы 3-бөлігі - екі немесе одан да көп адамға қатысты жасалған ірі көлемдегі алаяқтық. Оған 4 факт бойынша айып тағылып отыр »,- дейді Әуезов аудандық полиция басқармасының бастығы Жасұлан Тұрыспаев.

Айта кету керек, күдікті бұрын университеттердің бірінде жұмыс істеген. Ол ЖОО қызметінен жақын арада кеткен. Жәбірленушілердің сеніміне негіз болған дәл осы факт. Алайда ол ешқандай уәделерін орындамай, алған ақшасын жеке қажеттіліктеріне жұмсаған.