+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Алматылық құсбегі «Қансонар – 2020» турнирінің бас жүлдесін жеңіп алды

2019 жылғы 13 желтоқсан 17:09
Бөлісіңіз:
Алматылық құсбегі «Қансонар – 2020» турнирінің бас жүлдесін жеңіп алды

КӨКШЕТАУ. ҚазАқпарат - Алматылық құсбегі «Қансонар – 2020» турнирінің бас жүлдесі «Нива» автокөлігін жеңіп алды, деп хабарлайды ҚазАқпарат тілшісі.

Еске сала кетейік, осыған дейін хабарлағанымыздай, Бурабайда Қазақстан, Мажарстан, Моңғолия, Қырғызстан және Ресей елдерінен келген 45 саятшының қатысуымен «Қансонар – 2020» халықаралық турнирі ұйымдастырылды.

Қазақстан Республикасы Тәуелсіздігінің 28 жылдығы және атақты бүркітші Мәсіп Батырхановты еске алуға арналған турнир «Бүркітпен аң аулау», «Сұңқармен аң аулау» және «Қаршығамен аң аулау» сияқты үш бағытта өрбіді. Алдымен жас балалар сұңқар мен қаршығаны қолға қондырса, үлкендер бүркітпен аң аулап, өзара бақ сынасты.

Атадан мұра болып қалған бұл ұлттық спорт додасында бақ сынасқан саятшылардың арасында осыған дейінгі жарыстарда талай мәрте жеңіске жеткен, ұлттық өнерді ұлықтауға өзінің үлесін қосып келе жатқан Біржан сал ауданынан келген Қанат Шүленбаев пен Абылай Ізбасов және көкшетаулық Руслан Тимурзин сияқты тәжірбиелі құсбегілер жастарға осы бір ісімен үлгі-өнеге көрсете білді.

Жарыс қорытындысы бойынша Алматы облысынан келген құсбегі Сейітжан Алмас ең үздік танылып, турнирдің бас жүлдесі – «Нива» автокөлігін иеленді. Екінші орын Нұр-Сұлтан қаласынан келген Күнтуған Серікбекке, үшінші орын Жамбыл облысының бүркітшісі Аязбек Нұртөреге берілді.

Ал, қаршыға салуда жүлделі бірінші Жамбыл облысының құсбегі Бабажан Берікболсын алса, екінші және үшінші орындарды Алматы облысының спортшысы Байетбай Өмірхан мен елордалық Ерасыл Серікбекұлы өзара бөлісті. Сұңқар баптаған саятшылар арасында Алматы облысының құсбегі Ерлан Кенжетаев бірінші, жерлесіміз Медет Шәліпов екінші, атыраулық Арман Қошқаров үшінші орынға лайық деп танылды.

Біздің каналымызға жазылыңыз:

Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT