Алматылық көпбалалы ана аутизмі бар балаларға арналған түзету орталығын ашты

None
None
АЛМАТЫ. ҚазАқпарат –Көпбалалы ана мемлекеттік қолдаудың арқасында аутизмі бар балаларға арналған түзету орталығын ашты, хабарлайды ҚазАқпарат тілшісі.

Алматыда көпбалалы ана Гүлжан Бекебаева аутизмі бар балаларға арналған «Эйнштейннің балалары» түзету дамыту орталығын ашты. Орталықта білікті логопедтер, психологтар, емдік дене шынықтыру, массаж және арт-терапия мамандары қабылдау жүргізеді. Мекемеге 15 бала барады, олардың үшеуі айтарлықтай жақсарып келеді.

Мамандардың жетіспеушілігіне тап болған әйел аутизмді емдеудің негізгі әдістерін өз бетінше үйренуге шешім қабылдады. Гүлжан педагогикалық білім алып, Грузияда арнайы дайындық курстарынан өтіп, қосымша педагог-психолог сертификатын алды. Бірте-бірте жаңа әдіс нәтиже бере бастады, оның баласында үлгерім, академиялық дағдыларды дамыту көрсеткіштері жақсарды.

«Көпбалалы отбасыларға өтеусіз гранттар бөле отырып, «Бизнес-Бастау» жобасы туралы естігенде, бірден қатысуға шешім қабылдадым және 505 мың теңге ұтып алдым, оларға велосипед тренажерін, жүгіру жолын, екі парта мен дамытушы ойыншықтарды сатып алдым. Кейін бизнес-жобаны кеңейтуді ұйғарып, «Qoldaý» кәсіпкерлікті қолдау орталығында «БЖК-2020» бағдарламасы бойынша 2 млн теңге көлемінде гранттық қолдау алдым. Осы қаражатқа мен жабдықтарды, логопедтерге арналған құралдарды, батутты, татамиді, интерактивті тақтаны сатып алдым. Өз қаражатыма үй-жайды жалға алып, түзету орталығын аштым. Бүгін бізге ата-аналар Алматының шалғай аудандарынан балаларымен келеді, олар мен сияқты қажетті мамандарды таба алмайды», - деп хабарлады түзету орталығының директоры Гүлжан Бекебаева.

Оның айтуынша, жаңа бизнесі қатаң карантин режимі кезінде де тоқтап қалмады. Ерекше балалардың кейбір ата-аналары одан үйде емдеуді жалғастыруды сұрады, сондықтан 7 адамнан тұратын барлық қызметкер жұмысын жалғастырды. Алайда үй-жайды жалға алу және қызметкерлерге жалақы төлеу мәселелері басталды. Кәсіпкер әйелдің қаржылық қиындықтары туралы білгеннен кейін ТОО «Metall Prom Group» басшысы, меценат Абдулхалил Долкунтай көмекке жүгінді. Ол түзету орталығына маңызды әлеуметтік жобаны дамытуға 2,7 млн теңге көлемінде қаржылай көмек ұсынды.

«Бізде өте қымбат түзету ойыншықтары бар, бұл балаларға арналған қарапайым ойыншықтар емес. Олар ағаштан жасалған, арнайы талаптарға сәйкес жасалған болуы керек. Ойыншықтарды бір рет сатып алуға 300 мың теңгеден кетеді.

Қызметкерлердің жалақысы да сәйкес келеді, өйткені бұл жай тәрбиешілер емес. Бұл мінез-құлықты түзету бойынша білікті мамандар. Біз Алматы қаласы әкімінің орынбасары Мақсат Қиқымовқа біздің өтінішімізге үн қосқаны, бизнес-қоғамдастықпен келіссөздер жүргізгені және ерекше балалардың проблемаларына бей-жай қарамайтын демеуші тапқаны үшін өте ризамыз.

Абдулхалил Долкунтай мырзаға материалдық көмек көрсеткені үшін рахмет. Осы қолдаудың арқасында біз көптеген балаларды оңалту және емдеумен қамти аламыз», - деп қосты «Эйнштейн балалары» орталығының директоры Гүлжан Бекебаева.

Кәсіпкер Алматыда түзету балабақшасын ашып, жобаны кеңейтуді жоспарлап отыр. Айта кету керек, қазіргі уақытта мұндай әлеуметтік жобалар мемлекет тарапынан қолдау тауып, белсенді қаржыландырылуда.


Соңғы жаңалықтар