16:31, 12 Сәуір 2018 | GMT +6
Алматылық кәсіпкер берген парасынан 20 есе көп айыппұл төлейді
АЛМАТЫ. ҚазАқпарат - Алматыда Мемлекеттік кірістер департаментінің қызметкеріне пара бермек болған кәсіпкер әкімшілік жазаға тартылды, деп хабарлайды ҚазАқпарат тілшісі.
Қалалық Мемлекеттік кірістер департаментінің баспасөз қызметі хабарлағандай, кассалық аппараты мен POS-терминалы жоқ кәсіпкер департамент қызметкеріне 30 мың теңге пара берген.
Аталған дерек бойынша Қазақстан Республикасының Қылмыстық кодексінің 367-бабы бойынша әкімшілік іс қозғалды. Сот шешімімен кәсіпкерге 600 мың теңге көлемінде айыппұл салынды.
Қалалық Мемлекеттік кірістер департаменті пара алған немесе пара беруге итермелеген лауазымды тұлғалар болса +7 707 413 59 22 нөміріне немесе [email protected] поштасына хабарлама қалдыруды сұрайды.