20:12, 03 Сәуір 2020 | GMT +6
Алматылық есірткіні аяқ киіміне жасырып түрмедегі танысына өткізбек болған
АЛМАТЫ. ҚазАқпарат – Алматы қаласында есірткіні аяқ киіміне жасырып, түрмедегі досына өткізбек болған адам ұсталды, деп хабарлайды ҚазАқпарат тілшісі.
ЛА-155/8 мекемесінде Алматы қалалық қылмыстық атқару жүйесі қызметкерлері мен полиция қызметкерлері 37 жастағы ер адамды ұстады. Ол қамауда отырған досына азық-түлік беріп жібермек болған.
Тексеру барысында оның аяқ киімінің ұлтарағының астынан пакетке салынған өсімдік тектес зат табылды. Сот-медициналық сараптама қорытындысына сәйкес бұл гашиш екені анықталды.
«Бұл дерекке қатысты ҚР ҚК 296-бабының 2-бөлімімен сотқа дейінгі тергеу ісі тіркелді», - деді қалалық ПД Есірткі бизнесіне қарсы күрес басқармасының басшысы Ерлан Әлмағамбетов.