+7 (701) 759 90 19
USD 405.66 EUR 454.70
RUB 5.71 CNY 57.43
Jańalyqtar

Алматылық дәрігерлер коронавирус індетін жұқтырған 81 жастағы қарияға операция жасады

2020 жылғы 26 мамыр 21:55
Бөлісіңіз:
Алматылық дәрігерлер коронавирус індетін жұқтырған 81 жастағы қарияға операция жасады

АЛМАТЫ. ҚазАқпарат – Орталық қалалық клиникалық аурухананың дәрігерлері «Кіші ұршықтың жылжуы және үзілген сол жақ жамбас сүйегінің жабық сырғымалы ұршықтық сынуы» диагнозы қойылған 1939 жылы туған К. есімді ер адамға операция жасады, деп хабарлайды ҚазАқпарат тілшісі.

Ұқсас жаңалықтар
Қазақстанда 1,5 млн адам КВИ бойынша тесттен өтті Кадр жетіспеушілігі: Мәселені шешу үшін медициналық колледждердің 112 түлегі тартылды Карантин талаптарын бұзған қазақстандықтар айыппұл төлейтін болды

Денсаулық сақтау басқармасының мәліметінше, пациент Орталық қалалық клиникалық ауруханаға №7 қалалық клиникалық ауруханасынан ауыстырылған, онда оны тексеріп қарау кезінде коронавирус инфекциясы анықталған. Сондай-ақ, мидың қан айналымы бұзылуынан пациентте оң жақты гемипарезі пайда болған. Сол аяғымен тіреп жүріп жүрген қарияның ауруы асқынып кеткен, сондықтан ота жасауға тура келді.

«Бұдан басқа, науқаста жүректің ишемиялық ауруы, артериалдық гипертензия сияқты қосымша аурулары да болды. Дәрігерлер оны бір апта операцияға дайындап, бүгін коронавирус инфекциясын жұқтыру қаупімен байланысты эпидемиологиялық шектеулер жағдайында барлық санитарлық-эпидемиологиялық талаптарды сақтай отырып, «жабық репозиция, сол жақ жамбас сүйегінің Гамма өзегі остеосинтезі» операциясын жасады. Біздің дәрігерлер обаға қарсы костюмде, маска мен көзілдірік тағып, тыныс алу қиын жағдайларда, операция жасады»,– дейді бас дәрігердің міндетін атқарушы Гүлнар Құлқаева.

Операция бір сағаттан астам уақытқа созылды.

«Әрбір операция, тіпті қарапайым жағдайда да – бұл кәсіпқой команданың үйлесімді жұмысы. Біздің алғашқы операциямыз ортопедия бөлімшесінің меңгерушісі Қанат Тәңірбергенұлы Тәуекеловтың басшылығымен өтті. Алматы қаласы бойынша коронавирус инфекциямен ауыратын науқастарға осындай операциялар тек біздің клиникамызда ғана жасалатынын айта кеткен жөн» – деді Гүлнар Құлқаева.

Айта кетейік, Орталық қалалық клиникалық аурухана 3 мамырдан бастап жұқпалы аурулар стационары режимінде жұмыс істеп жатыр.


Біздің каналымызға жазылыңыз:

Бөлісіңіз:

Автор:

Алма Мұқанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT