08:13, 11 Наурыз 2018 | GMT +6
Алматыдан 459 шақырым қашықтықта жер сілкінді
АСТАНА. ҚазАқпарат - ҚР БҒМ «Сейсмологиялық тәжірибе-әдістемелік экспедициясы» ММ сейсмикалық стансалар желісі 11 наурызда 06 сағат 19 минут 19 секундта жер сілкінісін тіркеді, деп хабарлайды ҚазАқпарат.
Жер сілкінісінің ошағы Алматы қаласынан оңтүстік-шығысқа қарай 459 шақырым қашықтықта, Қытай аумағында орналасқан. Зілзаланың энергетикалық санаты - 8.5. Тербелісі - 4.0.
5 шақырым тереңдікте болған жер дүмпуі Алматыда сезілмеді.