Алматыдан 413 шақырым қашықтықта жер сілкінді

АСТАНА. ҚазАқпарат - ҚР БҒМ «Сейсмологиялық тәжірибе-әдістемелік экспедициясының» сейсмикалық стансалар желісі 2018 жылдың 21 қарашасында Алматы уақытымен 19 сағат 02 минут 45 секундта жер сілкінісін тіркеді, деп хабарлайды ҚазАқпарат.

«Зілзаланың эпицентрі Алматы қаласынан оңтүстік-шығысқа қарай 413 шақырым жерде - Қытай аумағында орналасқан. Энергетикалық санаты - 11.0. MPV магнитудасы - 4.8. Эпицентрінің координаттары 41.65° с.е. 81.46° ш.б. Тереңдігі - 10 км. МSК-64 бағаны бойынша сезілу туралы мәліметтер жоқ», - делінген хабарламада.