Алматыдан 194 шақырым қашықтықта жер сілкінді

АЛМАТЫ. ҚазАқпарат - Бүгін Алматыда сағат 08:25 кезінде жер сілкінісі болды. Бұл мәліметті ҚР Білім және ғылым министрлігі Ғылым комитетінің Сейсмологиялық тәжірибелік-әдістемелік экспедициясы мемлекеттік мекемесінің сейсмикалық стансалар желісі тіркеген.

Тербеліс эпицентрі Алматыдан оңтүстік-батысқа қарай 194 шақырым қашықтықта Қырғызстан жерінде болған.

Жер сілкінісінің энергетикалықкласы 10,4 болса, магнитудасы - MPV 4.7, ал тереңдігі 15 шақырымды құраған.