USD 434.24 EUR 492.69
RUB 5.67 CNY 68.46
Jańalyqtar

Алматыдағы ЖОО-ға Әлихан Бөкейханның есімі беріле ме – Тоғжанов жауабы

2021 жылғы 20 мамыр 11:03
Бөлісіңіз:
Алматыдағы ЖОО-ға Әлихан Бөкейханның есімі беріле ме – Тоғжанов жауабы

НҰР-СҰЛТАН. ҚазАқпарат – Алматыдағы Қазақ ұлттық аграрлық университетіне Әлихан Бөкейханның есімін беру заңнамада белгіленген тәртіппен қаралады. Бұл жайында Мәжіліс депутаттарының сауалына ҚР Премьер-Министрінің орынбасары Ералы Тоғжановтың жауабында айтылған, деп хабарлайды ҚазАқпарат тілшісі.

«2020 жылы ҚР Ауыл шарушылығы министрлігіне қарасты Қазақ орман шаруашылығы және агромелиорация ғылыми-зерттеу институтына Ә.Бөкейханның есімі берілді. Сонымен қатар Алматы қаласындағы Қазақ ұлттық аграрлық университетіне Ә.Бөкейханның есімін беру мәселесі заңнамада белгілінген тәртіппен қаралады», - деді Ералы Тоғжанов.

Үкімет басшысы орынбасарының атап өтуінше, Әлихан Бөкейханның есімі Қарағанды облысында ерекше ұлықталып келеді. 1998 жылы Ақтоғай ауданында «Үш арыс» (Ә.Бөкейхан, Ж.Ақбаев, Ә.Ермеков) ескерткіші орнатылды. Қазіргі таңда ескерткіш тұрған жер «Алаш» алаңы деп аталады. 2013 жылы Ә.Бөкейханның туған жері − Ақтоғай ауданында, Жекежал қыстауының орны топырақтан аршылып, іргетасы ретке келтірілді. 2016 жылы Ақтоғайдағы Ә.Бөкейхан атындағы мектеп алдында оған арналған бюст қойылды. 2019 жылы Қарқаралы қаласында Алаш арыстары Әлихан Бөкейхан, Ахмет Байтұрсынұлы және Әлімхан Ермековке арналған ескерткіш орнатылды.

«Әлихан Бөкейханның 155 жылдық мерейтойы қарсаңында биыл Қарағанды қаласындағы Октябрь ауданына ұлт қайраткерінің есімі берілді. Жалпы өңірде Ә.Бөкейханның есімі 11 көше, 4 мектепке тіркелген. Шымкент қаласында, Ақмола, Ақтөбе, Атырау, Жамбыл, Қызылорда, Павлодар, Солтүстік Қазақстан, Түркістан, Шығыс Қазақстан облыстарында Ә. Бөкейханның есімі көшелер мен мектептерге берілген, - деді вице-премьер.


Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT