Алматыдағы жол апаты: Галант жүргізушісі көз жұмды

АЛМАТЫ. ҚазАқпарат - Алматыда жүк көлігі мен  Мицубиси  бетпе-бет соғылып, Галант жүргізушісі қаза тапты, деп хабарлайды ҚазАқпарат тілшісі оқиға орнынан.

Жол апаты Алматы-Астана тасжолында болған.
 

Мицубиси  автомобилі Шамалған стансасы тұсында өзге көліктерден озбақ болған сәтінде қарама қарсы бағытқа шығып кеткен.
 

Осылайша қарсы жүйткіп келе жатқан IVECO жүк көлігімен бетпе бет соқтығысқан. Соққы салдарынан Митсубиси жүргізушісі оқиға орнында көз жұмды.

Жол апатының мəн-жайын полиция анықтап жатыр.