Алматыдағы жеңіл рельсті көлік желісі қай жерлерден өтеді

АЛМАТЫ. ҚазАқпарат - Алматы қаласы әкімінің орынбасары Серік Құсайынов брифинг барысында мегаполистегі жеңіл рельсті көлік желісінің (LRT) құрылысы туралы айтып берді, деп xабарлайды ҚазАқпарат тілшісі.

Серік Құсайынов Талғардың жоғарғы тас жолы бойымен LRT желісін салу жоспарланып отырғанын айтты. Жоба жеке инвестор есебінен жүзеге асырылады.

«Қазір инвесторлармен келіссөздер жүргізіп жатырмыз. Алдын ала ойластырған бағыт бойынша LRT Төле би көшесі бойына түседі. Өздеріңіз білесіздер кеңес кезінде бұл көшеде трамвай желісі болған еді. Енді батыстан шығысқа қарай жолаушылар ағынын бір ретке келтіріп, оны пайдалануға дайынбыз. Ол Момышұлы көшесімен ғана емес, Алатау ауданының орталығына дейін түсуі керек», - дейді ол.

Қазіргі уақытта инвестор техникалық-экономикалық негіздемемен айналысып жатыр.

Бұдан бұрын LRT желісінің құрылысын 2020 жылы бастау жоспарланғаны xабарланған болатын . Теxникалық-экономикалық негіздемеге сәйкес, жобаның инвестициялық құны: инфрақұрылым - 56 907 млн теңге (депо құрылысын қоса есептегенде), жылжымалы құрам - 36 512 млн теңге. Барлығы - 94 203 млн теңге.