+7 (701) 759 90 19
USD 402.37 EUR 449.81
RUB 5.86 CNY 56.67
Jańalyqtar

Алматыдағы тікұшақ апатына не себеп болғаны анықталып жатыр

2019 жылғы 18 қаңтар 13:11
Бөлісіңіз:
Алматыдағы тікұшақ апатына не себеп болғаны анықталып жатыр

АЛМАТЫ. ҚазАқпарат - Алматыда болған тікұшақ апатына байланысты қайғылы оқиға себептерінің 3 нұсқасы тексеріліп жатыр. Бұл туралы бүгін тікұшақ апатына байланысты ҚР Индустрия және инфрақұрылымдық даму министрлігінің әуе оқиғаларын тексеру басқармасының басшысы Нұрлан Жұмасұлтанов айтты, деп хабарлайды ҚазАқпарат тілшісі.

«Оқыс оқиға кеше 16:05-те «Алатау» шипажайы маңында, жабық жерде болды. Sky service әуекомпаниясының Eurocopter 130 тікұшағы құлады. Тікұшақ толықтай талқан болған. Қазір оқиға орнында тергеу жұмыстары жүріп жатыр. Тексеру басталды. Арнайы комиссия құрылды. Нәтижесін кейінірек білесіздер», - деді Нұрлан Жұмасұлтанов.

Оның айтуынша, ықтимал үш нұсқа қаралып жатыр.

«Біріншісі - ұшақтың техникалық ақауы, екіншісі - адами фактор, яғни ұшқыштың қателігі, үшіншіден - ауа райының қолайсыздығы. Ауа райын өздеріңіз де көрдіңіздер. Тұманнан 150 метр қашықтық қана көрінген. Мұз қату жағдайы болған. Қазір барлық нұсқа тексеріліп жатыр», - деді ол.

Айта кету керек, қайғылы оқиға кеше Алматыдағы Наурызбай ауданына қарасты «Тау самалы» шағынауданында болды. «Алатау» шипажайының ашық аумағына «Sky Service» әуе компаниясының жеке меншігіндегі Еврокоптер-130 тікұшағы құлады. 51 жастағы ұшқыш Валентин Шитов жедел жәрдем көлігінде қайтыс болды. Тікұшақ Боралдай-Үлкен Алматы көлі бағытында ұшып бара жатқан.

Ал көліктегі ПД қызметкерлері аталған деректі ҚР ҚК 344-бабына («Әуе көлігін пайдалану кезінде жол қозғалысы ережелерін бұзу») сәйкес сотқа дейінгі тергеу ісі реестріне тіркеді. Тергеу жұмыстары басталды.

Біздің каналымызға жазылыңыз:

Бөлісіңіз:

Автор:

Гүлмира Ғосманәли

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT