13:20, 01 Тамыз 2017 | GMT +6
Алматыдағы өрт: Ер адамның бетін, аяқ-қолын күйік шалған
АЛМАТЫ. ҚазАқпарат - Алматыда дәрігерлер өрттен жапа шеккен адамдардың хал-жағдайы туралы айтып берді, деп хабарлайды ҚазАқпарат тілшісі.
Қалалық Денсаулық сақтау басқармасының баспасөз қызметі хабарлағандай, тілсіз жаудың кесірінен 2 адам жапа шеккен.
«Олардың біріне медицина мамандары қажетті көмек көрсетіп, бірнеше нұсқаулар беріп, амбулаториялық емдеуге үйіне жіберді. Екінші ер адам №4 ауруханаға жеткізілді.
Ол «бет, қол, аяқ терілерінің күйігі» диагнозымен аурухананың күйік жарақаты бөліміне жатқызылды», - деді баспасөз қызметінен.
Айта кету керек, бүгін 10:51-де Мақатаев пен Шәріпов көшелерінің қиылысындағы шағын дүкеннің шатыры отқа оранған болатын.
Өрт сөндірушілер оқиға орнынан 4 газ баллонын сыртқа шығарып үлгерді.
Тілсіз жау 30 шаршы метр аумақты шарпыды. Өрттен 2 адам жапа шекті.