Алматыдағы нөсер: 1,5 сағат ішінде 2 көшені су басты

АЛМАТЫ. ҚазАқпарат - Алматыда толассыз жауған нөсер салдарынан 1,5 сағат ішінде 2 көшені су басты, деп хабарлайды ҚазАқпарат тілшісі.

Қалалық ТЖД баспасөз қызметінен мәлім еткендей, бүгін толассыз жауған нөсерден 15 мм жауын-шашын түскен.

Айына түсетін жауын-шашын мөлшері 56 мм.

1.5 сағат ішінде 11 жерді су алған. Оның ішінде - 2 көше, 7 аула, 2 жертөлеге су кірді.

- Жетісу ауданында - 2 оқиға;

- Алмалы ауданында - 4 оқиға;

- Алатау ауданында - 1 оқиға;

- Бостандық ауданында - 2 оқиға;

- Медеу ауданында - 2 оқиға тіркелді.

Төтенше жағдайларды қалпына келтіруге 10 қызметкер, 4 техника, 3 мотопомпа жұмылдырылды.

5 учаскеде су алу қаупі сейілді.

Кезекшілік қызметі тұрғындардан 100 қоңырау қабылдады.