Алматыдағы Фэнтези саябағының басшылығы аттракционда болған жағдайға қатысты түсініктеме берді
2016 жылғы 23 мамыр 12:20

Алматыдағы Фэнтези саябағының басшылығы аттракционда болған жағдайға қатысты түсініктеме берді

АЛМАТЫ. ҚазАқпарат - Алматыдағы «Фэнтези» саябағының басшылығы аттракционда болған төтенше жағдайға қатысты түсініктеме берді.

Айта кету керек, кеше саябақтағы «Ромашка» аттракционы әуеде қалықтап тұрып қалған болатын. Ішінде отырған 15 адам 15 минуттай биіктегі орындарда отыруға мәжбүр болды, оларады парк қызметкерлер жерге түсірілді.

Парк директорының орынбасары Анатолий Смирновтың айтуынша, төтенше жағдай электр тогының үзіліп кетуінен болған.

«Аттракцион қауіпсіздік жүйесімен қамтылған. Электр тогы жыпылықтай бастағанда арнайы тежегіш автоматты түрде іске қосылады. Адамдар 15 минуттай отырып қалды. Біз олардың басы төмен салбырап, аяғы жоғары қарап қалмауын қадағаладық. Сосын жерге өз күшімізбен түсіріп алдық. Аттракцион қазір штаттық режімде жұмыс жасап тұр», - деді А.Смирнов.

Оның айтуынша, олардың арасында балалар болған жоқ. Бұл аттракционға бойы 1 метр 40 см-ден асатын адамдар ғана жіберіледі.

Jańalyqtar

MURAǴAT