+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Алматыда журналистер аллеясы пайда болды

2020 жылғы 25 қазан 14:45
Бөлісіңіз:
Алматыда журналистер аллеясы пайда болды

АЛМАТЫ. ҚазАқпарат – Алматыда Абай даңғылының бойында журналистер аллеясы пайда болды, деп хабарлайды ҚазАқпарат тілшісі.

Жароков пен Гагарин көшелерінің арасында орналасқан саябақтық а шылу салтанатына 11 БАҚ өкілі, оның ішінде «ҚазАқпарат» ХАА тілшілері де қатысты. Журналистер 175 үйеңкі ағашын отырғызды.

Іс-шара карантиннің барлық талаптары сақтала отырып, қалалық Жасыл экономика басқармасының ұйымдастыруымен өтті.

«Қазір - ағаш отырғызу маусымы. Биыл бір маусымда 250 мың ағаш отырғызамыз. Бұл соңғы 20 жылдағы рекордтық көрсеткіш. Былтыр және алдыңғы жылдары бір маусымда ең көп дегенде 40 мың ағаш отырғызған едік», - деді басқарма басшысы Наталья Левинская.

Оның айтуынша, көшет егу бір бөлек, оны күтіп баптау – өзінше бөлек мәселе.

«Біз тек отырғызып қана қоймай, оны күтіп баптауға көшіп жатырмыз. Бұрын ағаш отырғызылса, ол туралы ұмытылып кететін. Ең бірінші жыл – жауапты кезең. Себебі, дәл сол кезде өсімдік жақсы күтімді талап етеді. Ағаш та адам баласы сияқты, отырғызған соң оны үнемі баптап отыру керек», - деді басқарма басшысы.


Мамандардың айтуынша, талдарды бірінші аптада 2 рет, ал сәуірден қарашаға дейін 72 рет суғару керек.

«Бүгін үйеңкі отырғыздық. Бұл ағаш баяу өседі. Тамыры терең бойламайды. Ағаш отырғызылатын кезде бірнеше фактор ескеріледі. Мәселен, инженерлік желілер, су, электр желілері, телефон желілерін ескеру керек. Біз қаланы осыған байланысты бірнеше аймаққа бөлдік. Әр аймаққа тән ағаштары бар. Бүгінгі аллеяда дендрологтардың пікірін ескере отырып үйеңкі таңдалды», - деді басқарма басшысы.


Біздің каналымызға жазылыңыз:

Бөлісіңіз:

Автор:

Гүлмира Ғосманәли

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жанат Қапалбаева
Жанат Қапалбаева
954-059

MURAǴAT