09:49, 15 Сәуір 2021 | GMT +6
Алматыда жол талғамайтын көлік аударылды
АЛМАТЫ. ҚазАқпарат - Алматыда «Mersedes-benz G-500» көлігі аударылып қалды. Жүргізуші жарақат алды, деп хабарлайды ҚазАқпарат тілшісі.
Апаттың видеосы әлеуметтік желіде пайда болды.
Алматы қалалық Полиция департаментінің мәліметінше, жол-көлік оқиғасы өткен түнде Байзақов көшесінде болды.
«Daewoo Nexia» автокөлігінің жүргізуші Мақатаев көшесімен батыс бағытта келе жатып Байзақов көшесінің қиылысында оңтүстік бағытта келе жатқан көлікке жол бермей «Mercedes-benz G-500» көлігімен соқтығысқан. Аталған дерек Алмалы аудандық полиция басқармасында тексеріліп жатыр», - деді Алматы қалалық ПД анықтау басқармасының бастығы Олжас Шәріпов.
Апат салдарынан жол талғамайтын көлік жүргізушісі түрлі дене жарақатымен №4 қалалық клиникалық ауруханаға жеткізілді.