Алматыда жол апатынан екі адам жапа шекті

АЛМАТЫ. ҚазАқпарат - Алматыда бір-біріне жол бермеген көліктер соғылып, екі адам жапа шекті, деп хабарлайды ҚазАқпарат тілшісі.

Саин көшесімен шығысқа бағыт алған Камри жүргізушісі Торайғыров көшесімен келе жатқан Фольксваген Вентаға жол бермей, бүйірден соққан.

Соққыдан көлік жол шетіндегі газонға шығып кеткен.

Оқиға орнына жеткен жедел жәрдем Фольксваген Вента көлігінің жүргізушісі мен жолаушысын ауруханаға алып кетті.

Жол апатының себептерін полиция анықтап жатыр.