Алматыда жиһаз шеберханасы өртеніп жатыр

АЛМАТЫ. ҚазАқпарат- Алматыда жиһаз жасайтын цехтан өрт шықты, деп хабарлайды ҚазАқпарат тілшісі.

«Жетісу ауданы, Ратушный көшесінде орналасқан шеберхана өртеніп жатыр. Оқиға орнында өрт сөндіру бригадасы жұмыс істеуде. Қызыл жалының жақын жерде орналасқан өндірістік цехқа таралу қаупі туындауда. Өртті сөндіру үшін 20 техника мен 60 адам жұмылдырылды»,- деді Алматы ТЖД.

Қара түтін қаланың әр жерлерінен көрінеді. Өрттің шығу себептері мен аумағы анықталуда.