15:31, 02 Қыркүйек 2019 | GMT +6
Алматыда жер сілкінісінің ошағы қаладан 5 шақырым қашықта болған
АЛМАТЫ. ҚазАқпарат – Алматыда болған жерасты дүмпуінің ошағы қаладан 5 шақырым қашықта болған. Бұл туралы ҚР Білім және ғылым министрлігі ҒМ ҒК «Сейсмологиялық тәжірибе әдістемелік экспедициясы» ЖШС хабарлады.
Стансаның мәлімдеуінше, жер сілкінісі түскі 15:06:17 уақытта тіркелген.
Жер сілкінісінің ошағы Алматы қаласынан солтүстікке қарай 5 шақырым қашықта орналасқан.
Жер сілкінісінің энергетикалық класы 8,5, магнитудасы – 3,7.
Жерасты дүмпуі 15 километр тереңдікте болған.
Қала тұрғындарына 2-3 балл көлемінде сезілді.
Қалалық ТЖД жергілікті атқару органдары, прокуратура, «Қазселденқорғау» МКК, басқа да ұйымдарға шұғыл хабарландыру жіберді.